Geri qayıtmaq

NFC texnologiyası

Məlumat

VTS və NFC nədir?

VTS (Visa Token Service) Android platformalı mobil telefonlarda VISA kartları ilə NFC texnologiyası üzərindən təmassız ödənişlərin aparılmasına imkan verən xidmətdir.

NFC (Near Field Communication) isə təmassız ödənişlərin aparılmasına imkan verən funksiyadır.

Bu xidmətdən necə faydalanmalı?

VTS xidmətindən istifadə etmək üçün NFC funksiyasını dəstəkləyən, Android platformasında çalışan  mobil telefona «IBA Pay» mobil tətbiqini yükləmək lazımdır.

Tətbiqi yükləmək üçün link: https://play.google.com/store/apps/details?id=mwb.iba.ac

Təmassız ödəniş hansı qaydada aparılır?

Ticarət-xidmət müəssisəsində alış-veriş zamanı mobil telefon kilid ekranı rejimindən çıxarılmalı və POS terminalın ekranına toxundurulmalıdır. Bu zaman əməliyyat məbləği 50 manata qədər olarsa, əlavə təhlükəsizlik kodunun daxil edilməsinə ehtiyac yoxdur. 50 (əlli) manat və ondan yuxarı məbləğdə olan ödənişlərdə isə mobil əlavədə təhlükəsizlik kodu və ya biometrik təsdiqlənmə tələb olunur.

“IBA Pay” mobil tətbiqindən necə istifadə etməli?

Tətbiqdə qeydiyyat mərhələsini keçdikdən sonra VISA kartlarında NFC funksiyasını aktiv edib alış-veriş zamanı mobil telefonu ticarət-xidmət müəssisələrində quraşdırılmış POS terminala toxundurmaqla istifadə etmək mümkündür.

Necə qeydiyyatdan keçmək olar?

Kartın 16 rəqəmli nömrəsini və ekranda əks olunan təhlükəsizlik kodunu daxil etməklə qeydiyyatdan keçmək mümkündür. Kart sifariş olunarkən sistemdə qeyd olunan mobil nömrəyə SMS vasitəsilə birdəfəlik kod daxil olur. Kodu daxil etdikdən sonra müştəri mobil əlavədən istifadə üçün  5 rəqəmli giriş kodu təyin edir. Əgər telefonda biometrik autentifikasiya funksiyası (touch İD) varsa, həmin funksiyadan da istifadə oluna bilər.

Əlavədə təmassız ödəniş hansı formada aktivləşdirilir?

Mobil əlavə vasitəsilə təmassız ödənişləri aparmaq üçün ilk növbədə karta daxil olaraq xidmətlər bölməsindən “NFC ödənişlərin aktivləşdirilməsi” funksiyası seçilməlidir.

 

IBA Pay mobil tətbiqini yükləmək üçün link:

https://play.google.com/store/apps/details?id=mwb.iba.ac