AZE RUS ENG
03.02.2014
Azərbaycan Beynəlxalq Bankının aktivləri son bir ildə 22% artıb

Azərbaycan Beynəlxalq Bankının (ABB) aktivləri son bir ildə 21,7% artaraq 2014-cü il yanvarın 1-nə 7,172 mlrd. manata çatıb.

Bankın mətbuat xidmətindən «APA-Economics»ə verilən məlumata görə, Bankın kredit portfeli illik müqayisədə 30,5% artaraq 2014-cü il yanvarın 1-nə 5,033 mlrd. manata çatıb. O cümlədən, fiziki şəxslərə verilmiş kreditlər 555,3 mln. manat təşkil edib.

Hesabat dövründə əhalinin bankdakı əmanətlərinin həcmi 1,613 mlrd. manata bərabər olub ki, bu da 2013-cü ilin yanvarın 1-nə nisbətən 22,2% çoxdur. Bankın məcmu kapitalı il ərzində 25,5% artaraq 903,8 mln. manata çatıb, nizamnamə kapitalının həcmi 475,04 mln. manata çatdırılıb.

Bankın gəlirləri 474,2 mln. manat təşkil edib. ABB-nın xalis mənfəəti illik müqayisədə 17,3% artaraq yanvarın 1-nə 50,91 mln. manata çatıb.

Yanvarın 1-nə ABB-nin 2 484 882 aktiv plastik kartı olub. Hazırda kartların xidməti üzrə şəbəkə 690 bankomat və 4 951 POS-terminaldan ibarətdir.

 

APA-Economics



Məlumat Mərkəzi:
937, *2265, +99412 4377900
Bütün növ bank kartları
Bankın Sizə yaxın xidmət
nöqtəsini seçin
Tez-tez verilən
suallar
Filialda görüşünüzü əvvəlcədən
təyin edin